From Yahoo Blog: 8月 2008

2008年8月30日星期六

Fancl MCO納米卸粧液

MCO納米卸粧液 Mild Cleansing Oil

原價$168.....Pinky 幫我買有 95折 $160
終於買左喇~~~
唔該晒Pinky幫我買..仲要唔該晒Pinky 拎去我公司比我,,Thanks!!!

	採用納米速淨技術，以超微細因子深層卸粧及淨化毛孔，一次過卸除面、眼唇粧容，遇水即快速乳化，用感清爽
	納米的超微細因子輕易將化粧品包裹而無需揉擦
	全天然植物油成分，高效抗氧、防敏、去黃，肌膚更潤澤健康

配合成分：	綠茶兒茶素油、玫瑰果油、椰子保護油
使用量：	把瓶嘴按下至樽頸2 - 3次
使用方法：	將卸粧液均勻塗於面上，輕按15秒至化粧浮起，再用清水洗淨，然後如日常般用潔面粉潔面

2008年8月29日星期五

REENEX - Collagen Remodeling Treatment (free trial)

Katie 幫我地book左今日去做 free trial.. 我同Jessica 做眼既...Polly 同雲雲就做減肥...

我係book左做眼既...但個sales就勁sell我做cps...我覺得好奇怪,,咁我咪提一提佢囉..佢就話....想皮膚靚....第一步就係先整好底層先....我好想同佢講~你理得我丫!!

講解完半粒鐘...佢就用儀器幫我放大d皮膚50倍比我睇...wowow...好多乾紋呀!! 唔知點解..係果一刻..好有衝動叫個sales自己整下自己塊面比我睇...wakakak...不過好彩忍到!! 之後又用相機影左一張相角質層既相比我睇...好厚...hehe...不過都係果句啦...我係做眼既..你幫我做咁多野做乜....

一開始做果時..佢幫我洗面...好舒服呀~~~好似做 facial 咁...之後就用laser打落隻眼度..好凍...都幾舒服..不過就無啦啦有一下痛痛地..而家仲紅左一點, 腫腫地..同埋佢比我果隻藥膏...乾晒硬左..所以冇用..我諗應該過幾日冇事掛...

我地都明白試做得一次唔會有效果,,,但係就貪張300蚊 cash coupon....因為可以換野..但我就仲未換喇..因為條友sell我sell到出面counter都熄晒燈..冇得換呀!!

呢d就係當晚送既野....

控油去角質啫喱 (左)
使用方法：取適量搓揉於濕潤的面部或身體，再用清水沖洗。使用前無須使用潔面啫喱；油性皮膚每星期可使用二至三次。在進行暗瘡治療期間，每星期使用一次
高效修護防曬霜 SPF50+ (激光/彩光專用) (右)
使用方法：將防曬霜倒在掌心，然後塗於面上，直至感覺完全乾爽為止
小貼士：於進行醫學美容療程前1個月每天使用2次；療程後每2小時補塗1次

抗氧緊緻維他命C精華 (左)
TNS激活亮彩眼霜 (右)

當晚既目的 ~~~ $300 cash coupon !!

雲雲話呢..佢換左果支pp cream...好得呀,, 因為佢個鼻頭係長期甩皮架, 但搽完第朝就無晒事呀!! 所以我都諗住換呢隻...!!
維他命PP修護霜 Atoderm PP (200ml)
有效改善濕疹及乾燥皮膚的缺水問題蘊含Vitamin PP有效促進「細胞間脂質」的自我製造，提昇皮膚自我保濕能力提供長效保濕，對抗敏感原含維他命E，保護皮膚對抗游離基適合乾性及濕疹皮膚之日常護理
使用方法：早晚潔面後，取適量塗抹於清潔皮膚上
小貼士：配合皮膚更生週期，建議最少連續使用28天以上，以達最佳療效

PP CREAM 冇貨, 冇得換呀...最後換左洗面, 呢隻佢地都話好用既..不過要補$10~

最後要唔該晒Katie..
幫我地安排呢次運吉行動...THANKS!!

2008年8月21日星期四

book場打羽毛球

今日Siucar book左場打羽毛球....仲係 9pm - 11pm 呀~~

打波既有Siucar, Rachel, Polly.....而觀眾就有mm同雲雲...
但因為Polly要番屋企睇屋....所以得番2個人打..另外雲雲都要陪bf...所以觀眾都得番我一個...

Rachel不愧為跑慣馬拉松...好好氣..打到Siucar好累......
就連我...觀眾都要落場打呀.... 不過都係打左一陣...已經手痛喇...
最後Rachel 叫左..佢bf個妹黎打.... (條友好主動咁同我講野呀..)
亞邊個呢...好鬼健談...你2個去左打波,,我都即刻拎住本書係咁睇...
點知佢都係咁捉住我傾計... 問我幾時結婚...邊到擺酒..
又問我係咪book london taxi...又話著褂果d...
頂..... 一秒都嫌多呀!!
你地都知我係d識得唔耐既人面前..係唔會點出聲架嘛...
好彩我bf好快黎到..救左我一命!!

背向鏡頭既運動員就係碼頭既Rachel...
而面向鏡頭既運動員就係市中心既Siucar...

Siucar 煞波呀~~

我地仲有雲雲精心泡制既~~~桂花糕~~好好食呀!!

2008年8月16日星期六

一兩足金 9999

呢個就係我媽咪買左既 "金粒" ...一兩重一粒 (亦都有5錢賣架..)

今日99金價$7720.....所以呢個金粒既價錢都係$7720...冇佣金...冇手工

仲有呀..呢個袋係將個金粒密封..千祈唔好開左佢呀...
因為已開封金粒既賣價...係比未開封既低大約 $200/每兩架....

2008年8月11日星期一

金器 - 媽媽買的龍鳳鐲

今日金價8140~~~

呢對鐲每隻重0.838兩...一共1.676兩....$14100

淨金價~~~~~~ 1.676兩 x $8140 = $13642.6
佣金~~~~~~~~淨金 $13642.6 x 2% = $272.9
手工~~~~~~~~$528一對......VIP 5折 $264一對....再 lur 35折 $184.5一對

媽咪話....而家呢對鐲送比細佬結婚既...
但佢都會借比我帶下先....所以呢對鐲我帶完要還番比mami...

~~龍鳳鐲~~

~~龍~~

~~鳳~~

~~帶上手 ~~

2008年8月10日星期日

我的小時候

1. 滿月

2. 美人出浴..露2點

3. 好似係一歲.....

4. 有三支蠟燭..應該3歲..又可能係我細佬架..

5. 海洋公園

6. 沙田新城市廣場 - 小露寶

7. 抽到禮物~

8. 屯門八佰伴

9. 荔園坐船仔

10. 一家四口

11. 唔知幾時..幾歲..

12. 燦爛笑容

13. 去東坪洲..

14. 四年級...去張家界旅行

15. 西貢露營...應該係中一..

彩豐行贈品

上次有份買彩豐既姊妹...快d諗下點分呢d贈品..

Jessica, Apple....你地仲有3樣sample未拎架~~(最底果行..除左C.L.果盒)

贈品有以下8樣~~

A919   檀香舒憂沐浴露                       (Rachel)
A907   香薰排毒減肥沐浴露               (Polly, 小Honey)
A906   佛手柑香薰沐浴露       x 2       (眼濕濕, Siubee, Winnus)
A901   薰衣草舒緩沐浴露       x 2       (Cindy, 雲雲) (Panda, Katie)
A1370 十倍淨白白米洗面奶               (Siucar, Apple, Jessica)
A1922 蜂皇納米防曬乳                       (MM)

2008年8月8日星期五

姊妹們的聚會 - 探訪雲雲

由於雲雲唔小心整親隻腳...需要放假一個禮拜, 咁我地就組團探佢喇...(我, Winnus, Panda, Pinky, 豬仔),佢係屋企又冇野食,加上行動不便, 所以我地就買埋野上去食~
當晚仲有我地為佢準備既娛樂...就係打牌喇...我同雲雲都贏錢呀...每人$28~

我地既晚餐就係食 Pizza, 狗狗都有份食架...

唐狗 - 小懞

松鼠+芝娃娃 - koko (媽媽)

松鼠 - momo (囡囡)

好鐘意佢呀...不過唔騷我既..只係我纏住佢咋~ 隔離有隻攝石狗.......

2008年8月4日星期一

姊妹們的聚會 802 - 北上筍崗文具城

我, Jessica, Siubee, Siucar, Katie, 雲雲, Rachel, 7個下晝北上行街..
我地約左係上水火車站等, 再去羅湖, 轉地鐵, 我地見到有Doughnut試食呀...成班明明上左電梯..都要搭番落黎試食...賣相好靚..味道都好好食(佢地話), 因為我太飽冇食到, 最衰唔記得影相啦~ (以下相片只供參考)

首先去左睇晚裝, 點知星期六,日唔開,,之後就去左3V喇, Siubee book期影相(其實係想去人地個廁所咋~), 跟住就去左荀崗文具城...係我今次之行既目的..買利是封, 貼紙, 花炮...etc... 揀野揀到又支力, 又熱...仲揀左好耐添!! 到左晚餐時間..我地去左樂園路 "湛江海鮮酒家" 食海鮮...好正架~又平喎..每人都係$50咋~

呢d就係我係筍崗文具城既戰利品喇~
花炮 $2, 上頭套裝 $20, 貼紙 $3.5, 對聯 $9, 利是封$1/6, $1.1/6, $2/8, $2/12, $3/8