美心餅卡

買左美心餅卡喇~~~

原價$48@                    現有員工價(73折) $35.04@

不過之前媽咪幫我買果d...$36.4一張呀...蝕!!

租衫 4

今日陪我試衫既有Siucar, Polly Pinky, 雲雲, Puff, Katie...
多謝你地呀...玩得好開心 ~
越睇越覺得隻麒麟臂好粗...好嘔心..

呢件紅色係敬酒既, 但我媽覺得唔靚..

呢件紫黑色...d色唔岩..但bf話隻色靚喎..

好鐘意既墨綠色

湖水綠 Deep V...有肚腩...

米白色似伴娘裙...著到膚色好黑..bf話呢個款好核突呀~

啡色..擺明唔岩著...超窄, 抖唔到氣..有d想打格仔呀!!

今晚我show time, 多謝你地踴躍捧場..haha..

之後我地去左食日本野~~

呢支就係黑頭導出液, 去黑頭效果好好架~ RMB $73~

雲雲比我搽身既 Biore SPF 25 防曬~ 多謝晒~~

探Panda & 小金

今日同Jessica左去Panda屋企, 拎左d mask 比佢...順便...探下小金..hehe~

一入屋...小金就好熱情...係咁撲向Panda...  

幾經辛苦...Panda先穩定到小金既情緒...叫佢坐低左..

小金好得意架...摸摸下佢...佢就會成隻撻落地...冇誇張真係撻落去架...下下都砰一聲架...跟住就要你幫佢massage~~
呢張相就係影住佢撻落地果一刻喇~~

小金真係好痴身...Panda 去 toilet 既時候..小金就係門口守候...睬都唔睬我地架..

我抱左佢呀...好重呀...不過只係攬住佢訓左係sofa~~
睇下我同佢既合照~~~wakaka...好似係我熱情d..

小金同Jessica 既合照~~~

小金聽到出街, 耳仔會豎起, 好興奮架...
去散步喇~~~~

痾 C C 既樣....wakakak....dup晒耳~~

姊妹們的聚會 927 - Siubee 新居

今日有我, Apple, Polly, Siucar, Winnus, 豬仔, 雲雲, Siubee, Katie, 小Honey...

我請左半日假呀~~ 幾嘗面呀~
第一站我, Siubee, 雲雲去左家計會先...再去屯門集合~
一眾美人齊晒, 我地就去食lunch...再去Siubee屋企喇..
一上到去...嘩...好古色既裝修, 全屋傢俱都係木色架, 再襯埋好多張畫, 好特別呀~
天花線好精緻, 圓角既牆我都係第一次見..總之好靚~~唔去0徒晒~ hehe
仲有....Siubee..點解每次你屋企人番黎...你都係唔見左架...!!! 攪到我地好尷尬..

成個下晝我地一台打麻雀, 一台玩啤牌.....賭檔一樣~
夜晚去左元朗食嘉麗園再去唱K...又係懷舊金曲夜...

切蛋糕時間~~

9月之星代表~~Winnus~~ 再加雲雲既人手蠟燭~

許左願喇~      壽星女..我祝你心想事成~

姊妹們的聚會 925 - 打邊爐

今日有我, Bee, Katie, 雲雲, Siubee, Polly, Pinky, Winnus

去左元朗打邊爐, 食左好多野...好飽..之後諗住去棉棉冰食甜品, 但實在太飽...唔洗5mins 已經到左,,,所以都係要改地點..要行遠d, 散下步...去左元朗廣場後面食炒冰!

亞Bee 好骨感架...我鐘意, 正!! 不過我諗呢度冇邊個好似我咁好肉地架喇~

Rachel .....見唔見到我冇帶眼鏡呀???????????????????

特別鳴謝 Bee ~~ 將d唇膏拎上大陸..再拎番黎香港比我地~~唔該晒~~

證婚律師

我 bf 岩岩搵左個律師..
佢話esd d人都話佢好...$3500 全包...仲係元朗添架..
仲有期呀~~ 而家佢幫我地hold左個期先, 星期一上去比錢, 交埋d文件!

要帶 : 新人父母既身份証副本, 自己住址証明, 自己身份証

仲要問埋佢會留幾耐, OT要幾錢 !

更正: 個律師話會幫我地hold期hold一個月架...叫我地唔洗咁早上去..因為要婚前3個月內先可以整文件.. 

何傳經律師   -    於2006年5月獲委任為婚姻監禮人。
外出婚姻監禮 (証婚) 服務
$3500 (已包括婚姻登記處收費)
不包括戒子枕, 羽毛筆

 

地址：香港新界元朗大棠道11號光華廣場504-5室
電話：2479 8890
傳真：2479 9818
電郵：info@charlesho.com
辦公時間：星期一至五 (9:00am-5:30pm)
                    星期六 (9:00am-1:00pm)

我的ESD姊妹團

你地都知我早前同我既姊妹團..發生左d不愉快既事件..

幸好多得ESD既姊妹..安慰我, 開解我..同埋出手相助..你地支持鼓勵既說話..真係令我開心番...令我好感動! 睇到你地慰問既post..我d眼淚都係咁流...因為覺得自己真係好有福氣識到你地~~

由於時間非常倉猝..由搵姊妹到姊妹gathering只得3日時間, 所以我就好快咁搵左佢地幾個做姊妹喇..

我的ESD姊妹團有雲雲, Katie, Pinky, 而MC就係Siubee喇..
再一次好多謝你地肯做我既姊妹!!

其他ESD既姊妹...我都好多謝你地, 若唔係人數有限, 我都搵晒你地呀!!!

你地都要記住, 以後有咩事要幫忙..都要記得開聲呀, 我會全力幫忙架!!

I Love You All~

金器 - 婆婆借的龍鳳鐲

點解婆婆會借金鐲比我帶 ??
由於佢之前送左隻鑽戒比我做嫁妝....所以佢唔會送金...我亦都唔想佢買,
但佢又覺得果日冇金比我又唔好...所以就借佢自己果d比我帶!!

10角形既九龍鐲...大約一兩重

鐲上有9條龍...9對眼, 好特別!

花鐲一隻...都係大約1兩...係咪差好遠呢...因為實心架..
本來仲有多一隻花鐲架..婆婆話唔見左..要再搵下先~~

中間呢隻...就係婆婆送比我既嫁妝..亦都係我第一隻鑽戒~
我結婚果日..都會拎番呢隻戒子比我婆婆幫我帶~

金器 - 媽媽買的龍鳳鐲2

對鐲唔係好重架咋...不過就真係嚇得下人~~

今日金價7720~~~
呢對鐲每隻重1.589兩 & 1.587兩...一共3.176兩....$26000

淨金價~~~~~~ 3.176兩 x $7720 =  $24518.72
佣金~~~~~~~~淨金 $24518.72 x 2% = $491.28
手工~~~~~~~~$1800一對......講價後 $1200一對....用 EPS 找數 $990一對

~~龍鳳鐲~~

~~龍鳳特寫~~

~~龍~~

~~鳳~~

~~帶上手~~

琴晚係元朗經過呢間金鋪..叫做周金龍...我bf話細細個已經跟姑媽去過呢間野~~都10幾年...唔會突然摺埋掛..

一望到呢對鐲,,超粗呀~~應該有4兩重...再望埋個牌...咦!! 1.5xx兩咋, 一對咪即係3兩, 即刻兩眼發光 !!

對鐲完全符合我媽既要求...但又超大體喎..咁岩今日又請左假...金價又好岩心水喎..咪即刻叫我媽入黎睇囉...好開心買左喇..不過我媽就話..呢間野雖然10幾年, 但始終唔係大金鋪...叫我結左婚..價好就快d賣左佢..

睇下3隻鐲....由左至右...分別係~~ 8錢, 1.52兩, 1.58兩
我買果對係咪好有睇頭呢..