撞岩就黎要出發去旅行, 公司又就黎last day 唔好意思請假..原本想旅行前睇一次醫生都唔得, 因為問過幾間都冇期book唔到...而我office hour 又行唔開...咁唯有旅行後番黎先去睇...book左去完旅行後2日睇, 因為Marco仲係放緊大假, 可以同佢一齊去!! 係呢個旅行中, 我每步都小心翼翼 & 小心飲食!!
第一次產前檢查要帶小便 & 前幾個月既月經日子..等醫生可以計算bb既預產期..
檢查日期 : 2009年5月23日
體重: 130 LBS
有左BB: 7W5D (唔知點解張相會寫7W4D,明明計出黎係7W5D架,下次問醫生先~)
預產期: 2010年1月4日 (唔知點解張相會寫1月5日)
BB身長: 1.41CM
由於我子宮向後屈同埋BB太細, 唔可以用超聲波係肚到照, 只可以用陰道超聲波, 即係塞支野入陰道照!!通常岩岩懷孕 or 第一次產檢用陰超, 都係正常既~ 我問過醫生, 子宮向後屈有咩影響, 佢話冇, 只係一d人向前, 一d人向後而以!! 但睇書話, 如果媽媽肚腩脂肪太厚, 都會照唔到架..wakaka...唔知我下次仲照唔照到呢??
今次見到胎囊, 就係黑色圈, 入面果舊白色野就係BB喇, 仲照到BB有一個白點係到閃, 就係心跳~但我睇極都睇唔到 !
醫生開左葉酸&維他命比我食, 叫我兩星期後再去覆診!! 今次睇醫生$550, 比左一張超聲波相比我~仲拎左張懷孕証明書, 用黎去健康院排期架!!
身體變化 : 覺得想嘔, 成日眼訓, 好易支力, 想痾尿不過得好少..
(醫生張敏芳, 係屯門景峰既, 之前姑拉都係睇佢, 又幾好人, 唔算貴~)
