檢查日期 : 2009年7月21日
體重: 131 LBS (重左 1 LB 咁大把)
有左BB: 16W2D
預產期: 2010年1月4日
BB身長: 冇照u/s
今日得我自己一個人去產檢, 原來第2次去係快好多架, 唔洗45mins走得, 都係磅重, 量血壓, 驗尿, 聽BB心跳, 摸肚, 見醫生!!
摸肚既時候, 姑娘仲模仿左胎動既感覺比我感受下..原來呢種感覺我之前都試過架, 夾埋都有5, 6 次..有時一日2次, 有時幾星期先得1次 !! 而家知道胎動係點, 好想快d再可以感覺下, 呢種感覺真係好奇妙呀~
一出健康院門口, 有人派左本pre-mo比我, 免費既(街買要$20蚊架)~仲有包孕婦奶粉送添.. 身體變化 : 作嘔情況有改善, 夜晚去少左廁所, 肚臍窿大左(以前個窿好細, 一條線咁既, 而家打開晒), 腳部皮膚比冬天乾, 彎低腰時個肚會痛.. BB, 唔經唔覺你住係我個肚有4個月喇~
你郁多d啦, 等我感受下你既存在啦~
我真係好似大肚婆 ?!
事源.....
1. 去歐洲時, 有團友問我係咪1個人食2個人飯呀? 佢仲話留意左我幾日先問我架..
果時我只係得 6, 7 weeks..有左一個月多少少..咁都睇得出 ?!
2. 有日Marco 約左個保險agent番屋企傾野..佢見到我就問, 你係咪有左呀? 睇你個樣好支力..似係有左喎..!!
果時係第10weeks, 又比人發現~
3. 有日行街見番一個4年冇見既舊同事,,第一句就問..咦..你係咪有左呀?
果時係第11weeks, 一見就知?!
以上未夠3個月, 已經咁....
3個月後...
1. 搭地鐵有人讓位比我坐呀~ 佢係岩岩落車, 企起身望住我, 比你坐丫~
我完全冇諗過會有人讓位, 同埋個肚都唔係好大姐...
我當時唔知比咩反應..只係笑笑口話唔洗喇...
2. 之後一日搭地鐵, 又有人讓位比我~ 連續2日!!!!! 佢坐坐下起身..你坐啦..
我話唔洗...佢就坐番低喇~
好感謝佢...坐坐下都比我坐, 都仲有好心人既~
3. 有晚行去姑拉屋企食飯, 途中有個亞婆同Marco講, 睇住你老婆呀, 唔好成日行呢度呀(有級樓梯好高, 要好大步"LARM"上去), 行果邊平路啦~
老人家...經驗豐富, 一睇就知!!
睇黎不得不承認....我已經係一個大肚婆身型!!
檢查日期 : 2009年7月11日
體重: 130 LBS (仲係一樣~)
有左BB: 14W5D
預產期: 2010年1月4日
BB身長: 頭3.1CM, 大脾1.7CM
今次佢係趴左係度呀!~
今次可以係肚皮度照超聲波喇..BB大左好多..手腳都長左~
醫生都話佢size 好好~
既然佢一切都健健康康, 我就去少d私家度睇喇~ 繼續睇政府就得~
身體變化 : 少左想嘔, 胃口好左, 間中感覺到個肚郁, 不過唔知係BB郁定係腸郁, 個肚都大左好多呢~
BB, 仲有唔夠半年, 我地就見面喇, 時間好似過得好快~
