仔仔送給我的禮物

第一次收到仔仔送比我既禮物, 呢份禮物仲會跟我一生一世添..

真係好特別..令我又愛又恨~

 

 

*

*

*

*

*

*

腰側

大脾

多謝你送給媽媽的妊娠紋~~~~

亦係我懷胎十月既証明~

屯門醫院...第四次產檢

檢查日期 : 2009年11月23日
體重: 153LBS
有左BB: 34W
預產期: 2010年1月4日
BB身長: 冇照u/s

又係side時間既覆診~
驗尿, 磅重, 量血壓, 見醫生, 摸肚, 聽心跳, 排期.............
好彩全程只需45 mins姐~~

今次本來想問下醫生我幾時可以番健康院覆診, 點知我都未開聲, 醫生就同我講...叫我keep住係度覆診直至到生...因為呢度每次有醫生幫我檢查, 而健康院只得姑娘, 同埋呢度隨時有儀器幫我照u/s......聽佢咁講, 都係既....雖然遠就遠d, 但各樣野都pro d~

Combi High Chair

Combi High Chair

呢張high chair 又可以比初生BB訓覺, 又可以比佢食糊仔時坐~
係廳都叫有個可以訓覺既地方, 我覺得都幾岩用, 仲可以用到好耐添~

原價$1800 → combi 做緊 85折 $1530 → 再用staff price 85折, 即係$1300咋~

不過係我買之際, 我姨媽 & 亞姨話由佢地買, 當係送比BB既禮物~
我又可以慳番, 代仔仔多謝你地呀!!~

薑皂

適合坐月用的自家制薑皂

坐月期間不能夠碰水，唯有用薑皂來沖涼，洗手。不用煲薑水改用薑皂代替，不必再為煲薑水而煩惱，方便，節省時間以爭取更多的休息，事半功倍！

功效：
薑有驅寒、驅風，促進肌膚血液循環，有利於腰酸背痛、緩解肌肉疼痛，行氣活血，最適合手腳冰冷、產後坐月、身體多風的人使用。

蜜糖能滋潤肌膚，鎖住水份，為肌膚帶來光澤。

 

成份：
皂基（甘油）、薑汁、薑蓉、蜜糖

 

陽光下可見更多的薑蓉

 

我買左一套 $90~   4件100g蜜糖薑皂 + 1件25g蜜糖薑皂 (方便帶去醫院用)

拎到番黎, 聞到好香既薑味呀!!
不過我仍然都會煲埋薑水沖涼既~~~

屯門醫院...第三次產檢

檢查日期 : 2009年11月9日
體重: 150.5LBS
有左BB: 32W
預產期: 2010年1月4日
BB身長: 冇照u/s

今日係覆診, 真係求其到暈呀!!!

以為覆診唔洗驗尿, 點知要驗, 咪拎個樽仔去裝囉, 唔知係咪岩岩食完lunch, 驗到有少少糖尿, 姑娘叫我出去再驗過, 又冇事喎~

到左見醫生喇..入房上床, 摸肚(3秒), 聽心跳(5秒), 得喇, 可以落番床, 拎張紙出去排期就走得架喇.....

入左間房都冇1分鐘............................

私家...第六次產檢

檢查日期 : 2009年11月9日
體重: 150.5LBS
有左BB: 32W
預產期: 2010年1月4日
BB身長: 頭8.06CM, 大脾6.24CM, 腰圍27.29CM, 重量: 1.864KG(4.1磅)

今次係去番照結構個醫生到做產檢, 因為佢有4D睇, 一來可以見到仔仔個樣, 同埋覺得佢解釋得詳細d~

明明話想睇下仔仔個樣, 點知佢個樣完完全全向左入面, 一d都睇唔到呀!! 正當我失望之際, 醫生同我講, 個面向左入面係好野黎架, 因為出世時, 面向入面既圓周係會細d, 即係你會易生d架~ 聽落幾好喎..睇黎仔仔都幾鍚呢個媽咪~ hehe

儘管醫生好努力咁係側面照仔仔個樣, 務求比我地睇到仔仔既側面, 但點知都只係睇到耳仔 & 後尾枕咋~

到睇番仔仔既心跳..今次好規律, 同上次完全唔同~ 而且 SIZE 都岩番週數喇~ 睇黎我呢排食花膠食到喊...係有幫助架~

不過今次仔仔細粒左, 100個BB, 佢排50幾~ 係中 SIZE~

各位...睇唔睇得明呢,,係側身相呀~

而家明未呢 ?

今次既心跳好規律呀!~

身體變化 : 訓醒手痺, 肋骨痛, 半夜抽筋, 便秘..後期既徵狀開始出現~

BB, 你晚晚都好大力踢我呀~

雅培講座

今次係我第一次聽健康院以外既講座, 講者都係有知名度既醫生~ 仲有野送添呀!!

講座主題：初生嬰兒護理知多少, 如何進行胎教, FitHealth產後運動, 陪月服務簡介

今日難得老公都放假同我一齊去聽..我地覺得內容都幾有用..可能我第一次聽掛~

第 1 part, 係由個叫張傑的兒科醫生主講, 內容係講解 BB 由頭到腳要注意的事項, 幾有用的, 因為好多野原來真係唔講唔知! 第 2 part, 胎教, 講者提到, 做爸爸的都要對 BB 進行胎教, 唔係 BB 出左世都唔知邊個係佢爸爸! 之後就到雅培廣告時間, 佢介紹佢地隻孕婦奶粉, 話生完餵母乳時都飲得, 仲對 BB 好好! 第 3 part, 係產後運動, 做左 d 示範, 我覺得都幾有用! 第 4 part, 就到工聯會講解如何選擇陪月員!

今次聽講座既贈品有........

聽完講座, 我仲係會場買左媽媽奶粉~
平時$72一罐, 而家買2送2($36@)...仲送一set 研磨餐具組合添~ 好抵~

呢set野出街買都要幾十蚊架~~

收穫豐富..不過拎c我老公...wakaka...

屯門醫院...第二次產檢

檢查日期 : 2009年11月3日
體重: 150.5LBS
有左BB: 31W1D
預產期: 2010年1月4日
BB身長: 頭(30W), 大脾(29W), 腰圍(29W), 重量: 1.6KG(3.5磅)

今次去到竟然唔洗磅重, 驗尿, 量血壓...只係去繳費處比$60照超聲波費, 就等叫名喇~

入到房訓上床, 姑娘開始幫我照超聲波, 係果刻唔知點解個心好驚..好擔心照出黎既結果係唔好..好想同姑娘講唔照...

首先姑娘度晒頭圍, 腰圍, 腳長..全部只係細左大約1 week到(+/- 1 week係正常), 即係岩size..WOW..真係鬆一口氣呀! 個頭都追得番呀!! 好開心~ 之後姑娘就check心跳..佢睇左幾次, 幾次都係正常!!

一切check完晒, 姑娘話...BB 既size好適中, 係中碼size, 已經轉左頭, 心跳正常, 心臟size正常, 心臟亦都對稱, 位置正常, 血液流向都正常!! 如果我照而家keep住咁樣飲食...預計出世會係3.2KG(7磅), 不過要視乎我後期食唔食到野!! 跟住姑娘叫我出去等叫名, 話之後會有一個心臟科醫生再同BB淨係照心跳!

出到去坐, 諗番姑娘話BB一切都正常, 真係放下心頭大石呀, 仲開心到d 眼淚係咁流出黎..真係傻...!

到個醫生照心跳...check左第一次都係規律既...如是者...重複check左10幾次..都係正常! 醫生就話BB心跳冇問題架~ 你番黎再覆診就得喇~ 連心臟科醫生都話BB冇問題..真係好感恩呀!~

身體變化 : 左邊大脾有3條紋呀~ 不過個肚未有..

BB, 你好叻呀!! 我地繼續努力~ 
We Love You~