沖繩自駕遊 Day 2

Day 2 (16/2) :
OTS (DFS店) 攞車 > 西松屋 > 万菜自助餐 > 海中道路 >
Birthday > BabiesRus > 築地直送迴轉壽司 > 酒店

酒店內食早餐既地方
今次我地(其實係姑拉揀)揀呢間酒店,
除左新同地點就腳之外,佢既早餐自助餐係出名多野食架..

睇完官恩娜介紹之後好想食既海葡萄...質感同蟹子差唔多

每次黎日本都要食既納豆, 雖然唔好食, 但人一世物一世, 乜都試下丫嘛~
老公成日話好臭, 死都唔試..

食住咀咀兼未訓醒既軒軒..仲好嗲咁挨落黎 

琴日黎到都唔記得影下間酒店..湊住BB真係忙d既~

食完早餐準備搭monorail去Duty Free既OTS度攞車
其實都幾易架, 我地係7號站, 買飛去11號站就得架喇~

等車途中見到月台都有汽水機, oh...呢2款保礦力已經有lu~

落左車行去Duty Free到辦理攞車手續~
見到個天咁藍, 充滿陽光氣息, 即刻影番d有活力d既相先, hehe(左上)

由於租車果陣只可以request幾多人車 & 幾多cc, 係唔可以request牌子..
所以老公好期待想知道係咩車款!
登登....呢架MAZDA Biante就係我地架車喇 (香港好似未見過)

攞完車之後就開始我地既自駕遊之旅喇~~

第一站係專賣小朋友野既西松屋~~ shopping~~~
呢個地方我係最期待架,
因為係淘寶買野成日聽到呢個名..所以想親身去睇下有咩賣~
入到去就掛住睇睇睇，都唔記得影相！好彩姑拉影左姐！！

裡面真係好大，所有日用品都好齊全！價錢大眾化添~

就連BB車, Car seat都有

d衫真係好多..不過始終都係女仔衫靚d多d..

午餐我地去左一間叫"BANZAI - 萬菜"既餐廳度食自助餐!
呢間野官恩娜都介紹過,
食材全部都係健康為主, 全天然, 冇味精, BB都岩食架~

食完野, 我地就出發去海中道路..
睇下GPS顯示, 條公路兩邊都係海黎架~真係海中道路!!!

周公急call, 軒軒要覺覺豬喇~~~~~~

沿途既海景好靚~ 公路旁都仲有好多櫻花

到左了..隻大船其實係間賣精品既鋪頭

呢張係難得人齊的團體照~ 不過有位團友訓著左 zzzZZZ

將會陪住我地吃喝玩樂五日既MAZDA Biante 8人車
基本上只係坐4大2B, 但我地有2架BB車及4個背囊..想鬆動d都係選擇8人車~

睇完風景, 再黎一間Birthday, 又一間專賣小朋友野既舗頭
呢度多數鋪頭門口都有個停車場, 仲要唔洗錢, 次次泊係門口, 超方便!

入面仲有專俾小朋友玩既地方添..

d膠櫃筒好靚靚靚靚呀 !!!

日本就有呢度好..樣樣野都好細心, 照顧周到,
去到邊都有bb車, 斜路(方便推車), 換片房!
好方便!

下一站....BabiesRus !!!!! 又係shoppingggggg

入面有好多大型玩具 --- 千秋 , 仲要係雙人千秋!~

玩具多過香港既反斗城好多..
不過衫仔就比西松屋, Birthday貴好多..所以主要都係睇玩具~

仲有爸爸既玩具添~

成間BabiesRus...軒軒應該最鐘意呢度~

由於我地行街行到過晒時, 軒軒係咁扭肚餓, 我地都番唔切酒店附近食野,
所以行完反斗城就係度搵埋野食喇..順便拿拿聲餵軒軒食粥 !!

晚餐 - 築地直送迴轉壽司
d食物好好味, 好新鮮, 值得再去!
刺身真係極度新鮮, $4xx yen 2件既海膽壽司, 鮮甜到極~

呢餐埋單$6xxx yen ..
埋單時..佢地唔洗數碟架, 用部機掃一掃, 各種顏色碟有幾多隻已經知,
然後比個膠牌你出去埋單(d data已經入左落膠牌到)~

番到酒店同軒軒沖涼
個衰仔係咁塞隻手入我個口, 仲塞埋毛巾, 仲笑到卡卡聲~

5呎半既床, 已經大過屋企果張啦...又係唔夠訓 =.=
你地兩仔爺...可唔可以留番d位比我呀, 餐餐執完野位都冇埋 !!
一個就拎酒店張bb被黎com, 一個唔com被兼俾青蛙壓住 ...真係好好笑 !!!!!

~Day 3 預告~
沖縄美ら海水族館!!!

沖繩自駕遊 Day 1

Day 1 (15/2) :
HKG > Okinawa by UO658 > Hotel Rocore Naha >
國際通 > Bambore 燒肉放題 > 酒店

出發喇 !!!!
今次係軒軒出世後, 第一次去旅行, 心情又緊張又興奮!!

9:30AM去到機場..
等緊老公泊車..先同軒軒影張相先, 你今日搭飛機呀, 開唔開心呢?!
(呆滯中....................)

check in後, 係機場食番個早餐先~

終於支持唔住訓著左, 可以抖足精神上機搗亂!!

臨上機前, 醒左~

出面好多飛機呀!

上到機, 每樣野都好新奇, 好八, 周圍睇

軒軒都有飛機餐架 ~ 3樽baby food(蘋果汁, 梨蓉, 粟米雞蓉)

機程需時 1hr 50mins
就到沖繩喇...個天好藍好靚~

落左機之後, 我地就由機場搭的士去酒店

攞左房..拎晒d日用品出黎先...嘩...周圍都係野,
好彩request左張bb床, 可以困住軒軒, 等我地可以專心執野

個view對住馬路, 樓下就係國際通喇, 行街好方便

執好野就落去國際通行下, 周圍都係賣精品既鋪頭

晚餐時間: 呢間係食燒肉放題, 佢地既牛肉真係好好味架!!!

難得可以安安樂樂食番餐飯,
因為軒軒訓左, 連人帶BB車就咁棄置係後面..haha..

墨魚汁湯...可以降血脂....wakakaka....

個人仔話咁快就醒左, 好彩我都喪食左幾round姐~

食完晚餐..番酒店途中又周圍睇下~
沖繩周圍都有呢隻獅子..

我地每次去親日本都一定會留意既野~~就係汽水機入面既保礦力!!
係老公既最愛收藏品...今次又有收穫喇!

軒軒真係好鐘意公仔..一見到個大菠蘿,,即刻要伏係菠蘿度..

唔知點解..沖繩好多Stitch架!! 除左佢..仲有日本周圍都見到既Kitty !!

~Day 2 預告~
西松屋, Birthday, BabiesRus....買買買!!!