沖繩自駕遊 Day 4

Day 4 (18/2) :
酒店附近影櫻花 > 海中展望塔 > 萬座毛 >
沖繩黑豚拉麵 > 美國村 > 迴轉壽司

沖繩自駕遊 Day 3

Day 3 (17/2) :
"泊 いゆまち"魚市場 > 沖縄美ら海水族館 >
ナゴパイナップルパークへ 名護菠蘿園 > トロピカル王国 亜熱帯果樹園 >
國際通食沖繩拉麵 > 酒店

一早起身, 俾人困左係床仔度..
又好好彩, 每朝都有baby tv比佢睇..唔洗阻住我執野

岩岩係酒店食完早餐, 就出發去魚市場~
我地特登唔食咁飽, 因為我地要留肚食刺身!!

呢度好乾淨, 唔同香港d街市..

街市入面有個"解体場", d魚就係入面俾人劏~~ d魚好大條架 !!

$3000yen一隻墨魚, 同我手臂咁長~
$500yen一pack既剌身, 超抵~

大部份都唔過 $1000yen 一 pack, 係香港真係買唔到~

劏緊果隻墨魚...有成半個人咁長架~

最後我地買左$1000yen 3 pack既刺身, 1pack海膽, 同1pack士多啤梨~
真係新鮮到唔識講..yummy~

睇下軒軒食士多啤梨個樣 !! 幾狼死...haha..

跟住我地就去美麗海水族館喇~
GPS好清楚顯示: 現在時間10:44, 預計到達時間12:16,
而分別係10:46, 10:47, 10:52呢3個時間將會到達路邊休息站, 仲會有洗手間~

到左海洋博公園~

因為毛毛雨+大風...要用雨擋,
因為軒軒氣管唔好, 費事吹親, 但軒軒對個雨擋冇乜反感,
反而表哥極度唔鐘意, 扭計, 喪喊, 係咁用手扯開雨擋伸個頭出黎~

係入口影完相就去食野先, 因為2個BB要開餐~

我地張台, 就對住呢個景...好靚, 不過個天唔夠藍!!

好鐘意呢張, 爸爸同仔仔玩緊, 好溫馨~

食完野, 緊係第一時間去水族館~

呢個係觸摸區, 全部海洋生物都可以用手掂, 不過唔可以拎離水面
不過呢度個個人都好自律既~

(個個都話驚海參, 等我呢個膽生毛既人拎比你地睇啦..一d都唔驚! )

原來由呢一刻開始..軒軒學識講"魚魚", 仲好鐘意睇魚~
睇到眼定定

左 : 見到隻龜游緊過黎, 咪叫軒軒企埋去睇囉~                 
中 : 點知隻龜越游越近, 佢就驚到扯住我件衫, 仲攬實我!
右 : 隻龜都冇咁好氣, 走人                                                   

真係睇得好專心架~ 起碼專心過表哥, 淨係望住張貼紙..

呢條鰻魚...差唔多有我大脾咁粗...成條蛇咁!

因為冇對比, 所以睇唔到隻龍蝦有幾大...
我相信佢既刺生..一圍台既人都食唔晒
 

眼定定 + 手指指.....

好震撼~~~~個魚缸大到好似戲院個銀幕咁呀!!!

呢個水族館既焦點緊係呢條鯨鯊啦..

等咁耐,,終於等到三條鯨鯊一齊喇~

另一邊, 係一條隧道咁, 條鯨鯊係頭頂游過呀..好闊, 成架巴士咁~

呢一塊係魚缸玻璃....佢既厚度...厚過個人呀!!

我地買左右上角幅相, 左邊既大鯨鯊比細佬,
又買左一條細既比軒軒, 又買左一條中size既鯨魚比細佬既女朋友~

水族館外..仲有海龜池..

呢隻野..原來叫海牛, 影佢既時候咁岩兩隻游埋一齊咀咀..好SWEET~

館入面..仲有一條義肢海豚...佢冇左條尾架, 係人工加番
不過好大雨, 又要露天行好遠先到, 所以我地冇去到lu~

下一個景點, 就係菠蘿園

我地會坐呢架菠蘿車沿途觀光, 睇種植菠蘿既地方~

裡面唔比影相架, 我地用電話偷影咋~
架車係無人駕駛, 又冇路軌架喎~

排得整整齊齊既菠蘿田,,,左邊張仲有d細菠蘿呀

參觀完, 仲有菠蘿酒, 菠蘿蛋糕, 菠蘿餅...係任食任飲~
仲有源源不絕既新鮮菠蘿供應比大家食添,
個個食到飽晒~~ (真係超飽果隻)

跟住落黎呢...就係由我渣車去下一個景點-熱帶果樹園...車程係5分鐘都唔洗..

熱帶果樹園比較岩BB多D, 因為有動物睇下~

一入到去,,係一個花園, 我地冇人有興趣,,係咁易影幾張相就行~

呢種花, 我係Animal Crossing隻game入面見過, 原來真既係咁樣架~

頂菠蘿..不過唔洗跪榴槤~HAHA...

見到有菠蘿可供影相用, 就拎比軒軒摸下~
佢個無膽仔, 一見到時..就好好奇伸手去摸,
摸到原來吉手既, 就即刻縮手, 真係比佢笑鬼死!

到左雀鳥區, 呢個area 係開放比d雀飛黎飛去, 不過有部份有籠困住既..

買左飼料可以餵雀, 舉高杯飼料, d雀就認得會自己飛黎食..睇下我幾開心 

一束100yen, 就係餵羊既飼料, 呢度冇人看住, 係要靠遊客自律放錢入箱~

比完錢未行到埋去咋, d羊已經跑出黎等食! 兩個B睇得好入神呀!!

呢張相軒軒都好合作架, 有舉到手~

見到隻"走地鴨"好鬼興奮, 行到邊望到邊~

今次由軒軒表哥負責餵錦鯉..

其實仲有蝴蝶館架, 不過有位團友好驚呢類野, 所以冇去到呀~
閃人了...兩個BB都好開心~

回程去食晚飯...
軒軒累到上車就訓著了~

番到國際通, 就去試下地道既拉麵~ 好正呀!

~Day 4 預告~
萬座毛, 美國村 !!!