鴻運plan ~~ 褂 $1380 + 10套 $3800 (送1伴娘裙)
今日諗住去鴻運揀褂, 點知揀揀下叫我揀埋婚紗&晚裝..我完全無準備, 冇相機, 只係用電話影咋, 又冇帶girdle ........睇完晒相, 都冇乜邊件係好鐘意, 試完又覺得唔係咁靚, 佢拎比我試果d晚裝...又覺得唔好, 不過婚紗就幾鐘意, 因為夠閃!!
條友又好似好趕時間咁...係咁叫我hold住先...但我又發神經真係hold左,, 最衰就係hold左都唔記得著住黎影相..仲要出左門口先記得, 咪走番入去叫佢比我影番套衫囉, 最後都係唔記得影套褂!! 同埋我發現..而家揀左果d全部都係鋼紗款, omg...我想要d唔同款架..例如a-line,,, deep v露背..旗袍嘛!!
好閃既婚紗, 影相都見到閃呀, 實物仲閃, 係有拖尾架 !
墨綠色既晚裝, 影出黎近乎黑色, 不過我就係鐘意佢夠深色, 著左好Grand !
用黎敬酒著, 所以揀紅色, 有d金線, 反光位就見到金色, 不過好大可能唔要
你hold 左咩褂...我依家仲未租褂....
回覆刪除[版主回覆06/06/2008 23:37:00]有金銀線既水晶褂....但都係唔記得影相!!
你好似抵我好多...你個plan 平左100蚊...我$3980...10套..但佢無free 件娘裙比我....所以計返好似差唔多-0-
回覆刪除[版主回覆06/08/2008 23:20:00]我係3800先岩...我個plan 07年係expo join架...最攪笑...上次去揀衫..佢竟然話而家做唔到呢個價,,叫我由3800加到3980...我想問佢係咪痴架..
sorry....重覆多左個留言tim...sorry...
回覆刪除[版主回覆06/08/2008 23:21:00]唔緊要啦~~
佢真係傻既...咁早JOIN 係想HOLD 返個平D 既價...咁果陣白紙黑字寫明..3800...轉頭話做唔到依個價-0-佢地真係傻左.....
回覆刪除你件 晚裝 藍同綠果然唔錯.. i like..件婚紗都好閃呀..
回覆刪除衰野.. 我終於找到你個blog啦..
[版主回覆06/11/2008 19:23:00]我一早add左你架, 傻婆...
我下次會著住黎影多次比你地睇~~