Mona Lisa 影相

呢個就係我出海既妝&髮型喇, 粉紅色眼影 + 少少smoky eye !!  用手機影架, 所以比較黑!!果時係架車度回程番去再set頭呀!因為出完海...披頭散髮.. 大風到頭都吹甩!                                                                                                   

其實個天都算待我不薄...影相前後都有落雨, 就係我影相果日好好天, 陽光普照, 仲有藍天白雲添..只係4點幾果時有幾陣過雲雨!! 呢日我精神都唔錯呀, 因為前晚都訓得好, 開頭仲以為自己會訓唔著添...真係要多謝esd既jm雲雲果番說話呢, 仲有其他開解我既好jm~~

呢輯相既特別之處係唔止有園景, 仲有出海既外景!! 外景包括西貢郊野公園, 北潭涌, 路邊小屋, 教堂, 沙灘, 遊艇, 快艇, 碼頭 !! 另外園景就有水池, 石橋, 人力車, 藍色小屋, 鞦韆, 樓梯, 電單車, 結婚蛋糕, 城堡, 馬車!! 而室內就有汽球, 熊仔, 水晶燈, 白色樓梯, 荊棘玫瑰花, 梳化, 火爐, 落地玻璃窗, 鋼琴......仲有好多唔記得左~

最後, 我覺得影相唔係想像中咁好玩...影到4點幾, 我開始腰酸背痛...因為d pose太難攪....腰骨都斷...不過攝影師比左部份d相我睇, 影得都幾好, 唔知加左effect會唔會再好d呢..

要到6月22日 先有得睇相...唔知到時會揀幾多呢..

化妝師係Hydi, 化妝助手係亞欣
攝影師係Alan, 攝影助手係跳跳虎Rookie

Hydi負責幫我化妝set頭...佢好有耐性聽我講我想點...佢化完之後我話想加smoky eye..佢又再幫我化... 我諗唔到整咩頭..佢又比建議我,, 佢比左幾個頭飾我揀, 我都唔岩..最後佢係自己用幾樣材料整出黎比我!! 亞欣負責男仔化妝, 同出外男女既補妝, 而男仔係唔包髮型架嘛...但我bf都有整到!! 一開頭幫佢gel左頭..但個攝影助手話唔好, 再整過...影左一輪相, 到我轉頭時, 我問可唔可以幫我bf拉直d頭髮..亞欣就幫佢整...到出完海, 我bf個頭亂晒..佢又重新幫我bf再整過, 整左3次!! 出外景時好曬, 亞欣仲擔摭摭我, 到落雨時, 佢又第一時間摭我, 佢地自己都冇摭呀...