屯門醫院...第七次產檢

檢查日期 : 2009年12月21日
體重: 157LBS (又重左..=.=)
有左BB: 38W
預產期: 2010年1月4日
BB身長: 冇照u/s

今次驗尿又驗到有少少糖尿, 要再驗多次, 但又冇事...

到左見醫生..咪問下BB個頭落唔落, 睇下佢早出世既機會大唔大..點知醫生答我, 我只會話你知個頭轉左落去未架咋, 同埋BB個頭落唔落, 都唔代表佢快唔快出世架..=.=
問左等於冇問..所以話一定要去睇私家呢..靠政府覆診真係太冒險喇 !!

身體變化 : 如果訓覺唔墊cushion, 訓著左腰骨都會痛到醒架!! 

仔仔, 乖乖地,,過左28號先好出世呀 !!

大肚寫真

影呢d肉照既時候係31 weeks 3 days...一直都未得閒執相 ! 所以冇擺出黎~

1) 最靚既一張..因為執埋顏色!

2)

3) 大家望到肚臍上面有畫野..係臍環個窿黎架,,而家撐大晒變成咁樣...=.=

4)

5) 坐係度時..個肚會頂住大脾..所以要擘大對腳黎坐..

6) 正面坐係度..個肚好圓呀!!

7)

8)

9) 訓係度既肚...扁d, 冇咁圓..

10) 唔影都唔知,,個虎背肥到去呢個地步!!!!!!! 同我個blog 張相差幾遠呀...OMG!!

仔仔做運動

用左幾日時間, 幾經辛苦捕捉左仔仔係我肚中做運動既相~~~

準備開始運動~ 仲係好平靜既肚皮~

開始喇...去右邊郁下pat pat先~

跟住...又去左邊伸下手腳~~ 成個肚都好大浪, 此起彼落咁呀~~

攪到我個肚變晒形~~~真係好似有隻異形係入面咁呀..wakakaka...

屯門醫院...第六次產檢

檢查日期 : 2009年12月14日
體重: 156LBS
有左BB: 37W
預產期: 2010年1月4日
BB身長: 冇照u/s

今次老公又可以陪我去覆診喇~ 佢坐係度打機, 我係度睇奶粉會寄黎既小冊子~

醫生摸肚時, 好大力禁落去呀!! 都唔知會唔會比佢禁親架!! 聽心跳聽左好耐..有10秒..hehe, 之後又走得..去排期~

身體變化 : 呢排重得好快, 1星期1磅, 好可怕呀!! 晚晚輾轉難眠, 成日都醒, 感到宮縮密左好多! 

仔仔, 仲有 3 weeks 多 d, 我地就會見面喇 ~

煲薑醋

母親懷胎十月， 孕育嬰兒，其過程消秏不少營養。按照中國傳統習俗， 產後婦女應在家休養至少四十天， 俗稱坐月， 籍以休養生息，補充流失養份， 使身體恢復狀態。 在坐月這段時間飲食調理最為重要，而進食含高鈣高蛋白質的豬腳甜醋蛋絕對是滋補強身的最佳妙品。豬腳薑的材料包括生薑， 甜醋， 蛋及豬腳， 每一樣圴含豐富價值，產婦缺一不可 。

除了自奉進補外， 在小寶寶出生後第十二天 (俗稱十二朝) 向親朋好友派發豬腳薑以宣佈小生命到臨亦是中國家庭代代相傳的慶祝習俗；而在小寶寶彌月宴席上，豬腳薑也是不可缺少的菜式！

先將買番黎既薑批晒d薑皮

批左出黎既薑皮

曬乾後, 留番生完煲水沖涼用~

甜醋

煲左一個月既薑醋

美贊臣講座

美贊臣講座

講座主題：初生嬰兒常見問題

今日老公番夜, 我自己一個出去灣仔聽架!! 內容係講解 BB 由頭到腳要注意既野, 同上次雅培個講座差唔多~

贈品: 呢個藍色袋, 我有第3個喇~wakakaka..

即場填form, 仲有呢張包被送添~

屯門醫院...第五次產檢

檢查日期 : 2009年12月7日
體重: 155LBS
有左BB: 36W
預產期: 2010年1月4日
BB身長: 冇照u/s

今次見醫生呢個環節..個醫生竟然有野同我講架...

佢話我知, 而家BB係咩pose, 呢到係頭, 背脊係呢度~~
又問番我上次BB心跳唔規律既事, 佢話而家照左冇事, 就ok架喇, 你一直係私家覆診就得架喇!! 另外佢又主動幫我檢查隻腳有冇水腫呀, 好彩我係冇水腫既~

雖然都只係幾句..但感覺似番d樣, 冇平時咁求其!

由而家開始要一星期覆診一次, 因為已經到左最後階段 lu ~

身體變化 : 有肚紋, 臨尾先有, 好唔抵呀....有幾日腰骨痛到訓唔著..平訓, 側訓都唔得..

BB, 仲有唔夠一個月咋, 我會預備好一切等你既來臨..

私家...第七次產檢

檢查日期 : 2009年12月3日
體重: 154LBS
有左BB: 35W3D
預產期: 2010年1月4日
BB身長: 頭8.8CM, 大脾6.9CM, 身長29.8CM, 重量: 2.517KG(5.5磅)  

醫生話BB個頭已經落左少少盤骨喇, 佢已經唔夠位轉番上黎 ~

由於佢個頭向下..即係pat pat向上啦...個何B仔照得好清晰呀..hehe

不過我就超重左少少..今個月只可以重多2磅...

呢張就係頭既直徑~ 個頭好大呀~

臨走姑娘有野送比我呀! 第一罐free既奶粉...呢個袋係第2個喇~

身體變化 : 有日姑拉話我個鼻&咀都大左呀, 唔知生仔係咪真係會咁架呢..ha~

BB, 仲有一個月咋, 我地就見面喇, 好期待  ~

為仔仔shopping

H&M 飲衫 $129

H&M 超人套裝$149

馬拉松Nike波鞋..特價$150咋..好抵~
好細對呀, 好得意!! 但應該要10個月大先岩著囉...wakaka..

買左張係BB車用既被仔..$48~

質地係珊瑚絨, 摸落去好滑, 好舒服呀~

Carter's 既褸仔 $15...平到笑~

真係好細件架..你睇, 比我隻手掌大少少咋~

NB 5-8 lbs.....真係一出世就要著喇~

日本城既膠櫃筒係最抵既 $399有5層 (呢個款實惠都有個差唔多既, 但價錢係 $599囉~)
亞仔d衫終於有位放喇~ 得閒要執好d野落個櫃度~

都裝得幾多野架~~

清胎毒

懷孕已經去到尾聲, 為左仔仔出世皮膚滑d, 都要為你清下胎毒！都知道要食d涼既食物, 例如, 西瓜, 白果腐竹蛋糖水, 綠豆沙, 豆腐花, 芝麻糊...

今次去藥材鋪買白蓮鬚, 整白蓮鬚煲雞蛋~

材料:
白蓮鬚~~~ $20/2包
雞蛋~~~~~ 2隻
冰糖~~~~~ 適量
水~~~~~~~ 8碗

製法:
凍水放入白蓮鬚及雞蛋(連蛋殼), 煲滾後以慢火煲45分鐘, 以冰糖調味即成。

煲完出黎都有大約6碗份量, 我就分左2日黎飲~

1) 固澀：白蓮鬚乃蓮花的花芯，性平味甘，有固澀（止血）補腎、消熱毒之效；

2) 補腎：由於孕婦要養胎，腎氣一定有損耗，具補腎作用的白蓮鬚能使孕婦生產時有氣力，生產過程較順利；

3) 解胎毒：胎毒是指孕婦身體內因懷孕期間少食寒涼食物而產生的「血熱」，令胎兒出生後易生瘡、奶癬等皮膚病，孕婦在懷孕7個月飲用此糖水才具清胎毒之效，即將臨盆時飲用效果不大。

今次係我親自煲架,,好叻呀!! wakaka.......
飲起黎有d苦澀味~

仔仔送給我的禮物

第一次收到仔仔送比我既禮物, 呢份禮物仲會跟我一生一世添..

真係好特別..令我又愛又恨~

 

 

*

*

*

*

*

*

腰側

大脾

多謝你送給媽媽的妊娠紋~~~~

亦係我懷胎十月既証明~

屯門醫院...第四次產檢

檢查日期 : 2009年11月23日
體重: 153LBS
有左BB: 34W
預產期: 2010年1月4日
BB身長: 冇照u/s

又係side時間既覆診~
驗尿, 磅重, 量血壓, 見醫生, 摸肚, 聽心跳, 排期.............
好彩全程只需45 mins姐~~

今次本來想問下醫生我幾時可以番健康院覆診, 點知我都未開聲, 醫生就同我講...叫我keep住係度覆診直至到生...因為呢度每次有醫生幫我檢查, 而健康院只得姑娘, 同埋呢度隨時有儀器幫我照u/s......聽佢咁講, 都係既....雖然遠就遠d, 但各樣野都pro d~

Combi High Chair

Combi High Chair

呢張high chair 又可以比初生BB訓覺, 又可以比佢食糊仔時坐~
係廳都叫有個可以訓覺既地方, 我覺得都幾岩用, 仲可以用到好耐添~

原價$1800 → combi 做緊 85折 $1530 → 再用staff price 85折, 即係$1300咋~

不過係我買之際, 我姨媽 & 亞姨話由佢地買, 當係送比BB既禮物~
我又可以慳番, 代仔仔多謝你地呀!!~

薑皂

適合坐月用的自家制薑皂

坐月期間不能夠碰水，唯有用薑皂來沖涼，洗手。不用煲薑水改用薑皂代替，不必再為煲薑水而煩惱，方便，節省時間以爭取更多的休息，事半功倍！

功效：
薑有驅寒、驅風，促進肌膚血液循環，有利於腰酸背痛、緩解肌肉疼痛，行氣活血，最適合手腳冰冷、產後坐月、身體多風的人使用。

蜜糖能滋潤肌膚，鎖住水份，為肌膚帶來光澤。

 

成份：
皂基（甘油）、薑汁、薑蓉、蜜糖

 

陽光下可見更多的薑蓉

 

我買左一套 $90~   4件100g蜜糖薑皂 + 1件25g蜜糖薑皂 (方便帶去醫院用)

拎到番黎, 聞到好香既薑味呀!!
不過我仍然都會煲埋薑水沖涼既~~~

屯門醫院...第三次產檢

檢查日期 : 2009年11月9日
體重: 150.5LBS
有左BB: 32W
預產期: 2010年1月4日
BB身長: 冇照u/s

今日係覆診, 真係求其到暈呀!!!

以為覆診唔洗驗尿, 點知要驗, 咪拎個樽仔去裝囉, 唔知係咪岩岩食完lunch, 驗到有少少糖尿, 姑娘叫我出去再驗過, 又冇事喎~

到左見醫生喇..入房上床, 摸肚(3秒), 聽心跳(5秒), 得喇, 可以落番床, 拎張紙出去排期就走得架喇.....

入左間房都冇1分鐘............................

私家...第六次產檢

檢查日期 : 2009年11月9日
體重: 150.5LBS
有左BB: 32W
預產期: 2010年1月4日
BB身長: 頭8.06CM, 大脾6.24CM, 腰圍27.29CM, 重量: 1.864KG(4.1磅)

今次係去番照結構個醫生到做產檢, 因為佢有4D睇, 一來可以見到仔仔個樣, 同埋覺得佢解釋得詳細d~

明明話想睇下仔仔個樣, 點知佢個樣完完全全向左入面, 一d都睇唔到呀!! 正當我失望之際, 醫生同我講, 個面向左入面係好野黎架, 因為出世時, 面向入面既圓周係會細d, 即係你會易生d架~ 聽落幾好喎..睇黎仔仔都幾鍚呢個媽咪~ hehe

儘管醫生好努力咁係側面照仔仔個樣, 務求比我地睇到仔仔既側面, 但點知都只係睇到耳仔 & 後尾枕咋~

到睇番仔仔既心跳..今次好規律, 同上次完全唔同~ 而且 SIZE 都岩番週數喇~ 睇黎我呢排食花膠食到喊...係有幫助架~

不過今次仔仔細粒左, 100個BB, 佢排50幾~ 係中 SIZE~

各位...睇唔睇得明呢,,係側身相呀~

而家明未呢 ?

今次既心跳好規律呀!~

身體變化 : 訓醒手痺, 肋骨痛, 半夜抽筋, 便秘..後期既徵狀開始出現~

BB, 你晚晚都好大力踢我呀~