姊妹們的聚會 0410 - 北上購物, 喪食團~

呢個復活節假期, 我係冇假放既, 我請左日假陪d放假中既jm北上買結婚野, 仲玩得好開心添!! 今日1人組有我, 豬仔, Siucar, 而2人組有 Pinky&bf, 雲雲&bf, Siubee&fd~

我地約左10:30係元朗廣場食早餐, 食完就出發喇~ 搭B1去落馬洲過關~
巴士上的合照...

Siucar....望鏡頭啦!! 正經d...唔好伸脷 !!

我地第一站去左筍崗先, 每次呢個景點都係用最多時間, 而又係買得最多野既~
之後Pinky&bf去左名百合拎相, 我地就分頭去左羅湖商業城同雲雲拎裙 !!
我, 豬仔, Siucar呢3個路痴...竟然仲要搭同一架的士..真係差d迷路呀! 之後同Siubee再去3V拎相, 而其他人既目的就係飲水, 去toilet, 涼冷氣...wakakak...

我地既晚餐............小肥羊打邊爐~

一向聰慧既pinky....好醒目地去左等位先....你睇下...d人多到丫..

已經係六點幾, 晚飯時間到喇~加上冇食lunch, 個個都肚餓, 所以食量極其驚人~~

Siubee一坐低即刻叫野食, 同埋最緊要快!!    (呢2位小姐係著情侶裝架~)

Pinky仲係等位既途中,
將係名百合岩岩拎番黎既相入晒相簿喇~ 佢d相..真係唔錯呀 !~

話咁快...野食到喇~~ 個個都好肚餓~

十分好味...一碟又一碟....最後食左5碟.....仲要係勁快冇晒~

2種湯底....不過麻辣果邊我冇食...唔係怕辣, 而係唔會食咁多刺激性既食物~

仲有2碟炸曼頭冇影到....

呢餐小肥羊...每人$85..........個個都好滿足~

我都有戰利品架~ 就係呢2個相架...
買既時候仲要唔記得左個SIZE...都係估估下...不過好彩又估岩喎...wakaka...

8" x 10" 玻璃面相架..開價$15...講到$13~

水晶相架 5" x 7" 開價$25...講到$20~

之後去左食棉棉冰...我就同Marco & 屋企人食....而Siucar, 雲雲, Raf 就3個食~