懷孕初期, 冇晒胃口, 食極都唔重, 真係有d擔心架~
有日惠氏打電話黎, 話可以用優惠價$65.5買一罐孕婦奶粉(萬寧賣$80幾蚊架), 再送一隻Mozart既音樂CD, 仲包埋送貨添!! 
咁我見唔係好貴, 又送到黎門口, 就買黎試下喇! 鐘意飲奶既我, 當然覺得好好飲啦~
但買左番黎先知, 原來一罐只可以沖到7杯, 佢仲建議1日飲2杯添
...咪即係4日唔洗就玩完~ 咁我當然唔會1日飲2杯咁多啦..因為聽人講孕婦奶粉好易肥架~ 同埋我都好慳, 佢建議每杯用3殼奶粉, 我就用1殼, 因為佢個奶粉殼超大架, 係平時果d既3倍, 咁我見用1殼奶粉都夠味, 加上我又用黎食粟米片, 都已經有味,,咁就慳住飲喇~
唔知係咪因為飲左孕婦奶粉, 真係重左喎...
不過飲完之後就1磅都冇重過喇....................
同鮮奶o既味有無分別?
回覆刪除[版主回覆09/25/2009 10:57:00]有, 甜d囉, 係vanilla味...
不過有d人話飲完會想嘔架~而我就冇囉~
我飲過試用裝,覺得好甜,唔多岩我飲~
回覆刪除隻CD既歌O唔OK呀?
[版主回覆09/25/2009 23:10:00]可能我鐘意飲奶...所以咩奶我都覺得好飲架~
隻CD既歌...咪mozart果d囉, 不過聽得多有d悶~ 我都唔係有氣質果d人..都係聽流行歌岩我多d..wakaka..
飲多少少呢都有益的～～～
回覆刪除[版主回覆09/29/2009 10:38:00]岩岩我個fd又比左一罐我呀~~ hehe~又有得飲喇~
惠氐我冇試過呀!不過送埋CD又幾抵喎!我而家唔敢飲媽媽奶粉呀!我仲有兩罐750G未開頭呀!因為我重得好快呀!!
回覆刪除[版主回覆10/03/2009 23:08:00]我就係見佢送CD我先買~ 嘩...仲有2罐~我反而一唔飲就唔重, 係飲左先重喎~