Combi Car Seat
原本都冇打算買, 但爸爸話d色好靚, 好sharp...所以就買左......
話女人錢易賺..其實男人錢都易架!
不過冇我地想要既青色, 所以買左橙色~
new born都坐得架...
到大個d就可以拆左中間個墊~
2010年5月19日星期三
Combi Car Seat
2010年5月7日星期五
2010年5月6日星期四
未滿月既樂軒
第一日人仔..岩岩離開我個肚唔夠一個鐘..
係醫院飲既奶, 玻璃樽裝!
出院果日, 姑娘幫仔仔整左個腳仔印!
係醫院打既卡介苗~ 粗手臂, 仲有好多毛~
岩岩出世巢晒皮既手仔~
係醫院, 無時無刻都訓~
番左屋企, 食飽奶...好滿足咁笑住訓覺~
都有d雙眼皮架~
因為黃疸, 所以要係腳板底抽血驗!
岩岩收水..甩晒皮既腳仔~
隻小腿超幼呀!! 好似我隻手掌咁長咋!
細細隻既手指..d指甲都好細塊~ 剪指甲時, 睇到眼都朦呀, 又驚剪到佢d肉喎!
兩邊耳仔都係有一摺架! 同埋有耳珠, 但係爸爸媽媽都冇架, 唔知似邊個呢..
大家細心留意, 佢堂眉d眉毛係向上生架, 極有霸氣, 將來一定係個大惡人 !!
嫲嫲幫仔仔沖涼, 睇下佢個樣幾緊張!
連鼻窿形狀都似十足爸爸!
睇都唔夠..
仲要落手攪..
深情對望!
食飽飽..
住左14日醫院, 終於出院回家了~
見到個大脾, 真係想咬啖!!
經常性既訓覺 post !
2010年4月29日星期四
2010年4月27日星期二
仔仔突然發燒
2010年1月3日
原本之前一晚都覺得佢熱熱地..以為佢著得多衫, 冇為意
到左4:30am 食奶..佢一路食一路喊..最後餐奶仲食得30ml
以為佢肚痛..唔肯食..一路抱住佢抱到7am都仲喊..
果時先醒起同佢探熱..已經101度
咁我地即刻帶佢睇急症, 見左醫生..要抽血, 抽脊髓, 小便去驗..
之後食左抗生素退左燒.. 但點解發燒就要等report先知
我超級擔心, 一日喊左幾十次..好驚佢有事, 佢得10日人仔架咋!
醫生話發燒原因, 一定唔係凍親, 而係血入面有細菌令佢發燒, 幫佢種左菌, 不過report未有!
醫生話有3個可能.. 產道感染左乙型鏈球菌 or 肺炎 or 腦膜炎
如果係乙型鏈球菌就可以打針打番好,
如果係肺炎, 會氣速, 大個肺會差d,
腦膜炎...要睇脊髓report先知, 但多數唔係!
應該要住7日醫院....好掛住佢呀!!
到report出左, confirm左係乙型鏈球菌, 係產道感染架, 要打14日針先走得..即係要住到1月16號.. 每一日都好漫長!!
呢段日子雖然我仲坐緊月, 但我每日探病時間都去探佢, 因為好掛住佢!
好擔心, 成日都喊..只係想佢快d好番..
原來做父母, 仔女有事個心係咁唔安樂架..
寧願病果個係我!!!!!!!
2010年1月14日星期四
畢生難忘的生仔經歷
12月23日
生仔之前一晚, 遇著朋友結婚要去飲, 仲攪到差唔多零晨2點先上床訓覺, marco第朝仲要番工, 一定超眼訓!
12月24日
3:15am 去完toilet上床打側訓, 發現2腳中間好似夾住舊野咁..以為bb個頭仔又落左d..仲搵個cushion 放係2個膝頭中間訓, 當時仲叫仔仔唔好咁快出世添..
3:30am 仲未訓著, 覺得有輕微攪肚痛..再去toilet..原來肚痾...
4:00am 又攪肚痛..再去toilet痾左一次..帶少少m痛feel ! 痾完番上床, 一訓落床果下, feel到2下流左少少暖水出黎 (好sure唔係自己賴尿)!! 自己懷疑穿水, 但又唔敢叫醒老公, 因為知佢好眼訓, 如果食炸糊, 聽日仲要番工添!!
4:50am 呢一次m痛比較強烈少少, 係久違了既m痛感覺!! 好明顯係子宮既痛! 覺得應該係架喇..叫醒左老公! 又再次流左d暖水出黎..
5:00am 再double check 一次走佬袋! 想count陣痛, 不過太輕微好難數, 睇得錶黎原來陣痛停左都唔知, 不過都有10 mins 1次,,持續20秒!
6:30am 同老爺奶奶講我地而家入院, 老爺就話等佢車我地~ marco打番公司請假..
**(話說入到產房係不準飲食, 當年姑拉就係20幾個鐘冇水飲, 佢都叮囑我記得飲多d水! 而未食早餐既我, 諗住入到病房先叫marco買早餐比我食! 同埋自己都plan左入產房前會隊一支水先入去既! ) **
7:15am 到左醫院, marco去攪入院登記 (買左支水, 飲左一啖)
7:30am 檢查後, confirm穿水, 所有野放入locker, 即刻入產房 (恍然大悟既我發現..原來我仲未食早餐, 水都只係飲左一啖咋......唔知要空肚捱到幾時!? )
9:45am 由於穿左水6 hrs 仍然1度都未開, 所以落催生藥! 輕微陣痛
12:00pm 仍然1度都未開, 加強到最強藥力既催生藥..(因為隔離床3個同我同時間落藥, 個個都已經3,4度..係我冇反應!) 陣痛可以接受
1:00pm 姑娘突然遞個電話比我, 叫我打比老公! 天真既我以為開到7度, 可以打比老公叫佢黎.. 點知姑娘話 "係叫你老公番屋企呀, 你咁既情況, 起碼要10幾個鐘啦" shit..晴天霹靂, 當時灰爆!!!!
3:00pm 陣痛加劇4 mins 1次,,持續35秒, 但係1度都未開, 陣痛與陣痛之間仲訓得著..有發夢, 仲有鼻鼾, 仲要比自己d鼻鼾嘈醒 (平時訓覺冇架..)
4:30pm 陣痛不能接受, 打左1支止痛針, 開始聞笑氣, 聞左笑氣仲好訓, 個人迷迷糊糊, 覺得天旋地轉, 不過一痛又會痛番醒!
5:00pm 劇痛...想痾屎! 開得3度, 姑娘話仲有排呀! 發現原來我係一個幾怕痛既人...
5:30pm 個人已經不停咆哮..極想痾屎, 姑娘叫我忍住唔好用力痾, 會夾親bb架, 但忍唔到, 會不其然用力痾!! 姑娘冇幫我check, 只係話 "你未有耐呀!" ...心諗未夠10度已經咁痛, 自己仲妄想如果可以簽紙開刀, 我會即簽!!!! haha..
6:10 pm 不斷急屎既我問姑娘, 點忍呀, 真係好急呀, 之後仲比姑娘話, 你係成年人黎架, 咁都唔識忍!! (之後同d生過既媽媽傾過..果下急屎, 原來冇人忍到架!!) 急屎既感覺已經摭蓋左陣痛既痛楚,,只係極想痾屎!! 經姑娘一check, 已經開到8度, 要即入產房, 果刻仲好清醒, 叫姑娘比電話我打比老公, 電話駁通果下, 就係我陣痛既時候, 我用死去活來 & 微弱既聲線叫老公 "即刻過黎呀......" 講多一句都冇力, 咁就收左線 !
6:15pm 姑娘已經幫我放晒尿, 推入產房..
6:20pm 入到產房我問姑娘可唔可以等埋老公, 姑娘話 "你而家生得喇喎, 點等呀? 你自己忍唔忍到呀?" 不過自己又諗, 如果我仲唔生, 到時BB延遲左先出世, 可能會對佢唔好, 同埋又會夾親佢, 都係生左先啦, 個仔緊要D呀!!
有人話已經見到頭仔! 姑娘叫我將隻腳擺上個架度, 腳都冇晒力, 要好努力先擺到上去!! 當時思緒好混亂, 知道有人同我講野, 但理解唔到人地講乜, 之後又聽到個亞嬸話 "你都唔聽人講野既, 叫你唔好用力呀!", 我都唔知發生咩事~
之後姑娘叫我用力, 我咪痾囉, 佢話唔岩, 用力要用長d, 唔好咁快就放鬆, 跟住我就谷住道氣耐d, 期間用左3, 4下力, 頭仔出左!! 姑娘就話而家唔好用力住, 跟住感覺到下面好似比介刀介既感覺, 應該係剪緊, 痛楚可以接受, 剪左2下! 姑娘話如果再痛就再用力, 跟住急屎既感覺又黎, 我就用多2下力..出埋個身~
6:25pm 完成~~~~~~~~ 仔仔出左世! 我果時諗, 下..咁快就生左, 用左幾下力咋喎!! 姑娘抱住左亞仔, 仔仔成身濕立立, 灰色, 有少少血, 扒係我個身到..我即刻伸手想摸佢, 不過比亞嬸喝住, 話佢污糟唔摸得住!! 不過老公就黎唔切, 我要求姑娘比老公入黎產房同我地影全家幅~ 姑娘仲話 "你好叻喎, 生得咁快, 生多幾個都得呀! " 我心諗, 你生丫, 我痛一次都夠晒喇 !
亞嬸抱BB比我睇, 叫我鍚佢一啖, 係男仔, 3.09KG, 6:25分出世..一下子要記咁多野! 佢同仔仔沖完涼, 仲問番我佢既資料, 好似考我咁, 我彩我都答岩!!
6:30pm 姑娘幫我搓肚搓番個胎盤出黎, 好痛, 感覺到有pat野流左出黎!! 之後聯針, 打左麻醉針, 唔痛既, 只係感覺到d拉線既感覺!! 我當時都清醒番, 仲問番姑娘頭先幫我剪開定係用介刀介開架, 原來係剪既!!
6:50pm 老公黎到, 亞嬸抱BB比老公睇, 仲叫佢鍚BB! 跟住就係我第一次抱仔仔喇, 果一刻仲有d唔相信呢個就係我地個仔喇~ 於是我地就影左幾張全家幅..老公就出番去喇, 而我就上番產後房~
2010年1月13日星期三
2009年12月24日
2009年12月24日.....
呢日對我黎講好特別, 係將我由一個孕婦變成一個媽媽..將我同marco既二人世界變成三人世界, 將marco由老公變成爸爸..亦係我仔仔誕生既大日子~
06:45am
做孕婦的最後一天, 準備入院
43吋大肚, 好圓..(帶左錶, 用黎入院計陣痛..)
過左呢日,
呢個肚唔會再見到架喇, 亦都唔會再感覺到胎動!! 所以入院前要影相留念!
06:50pm
爸爸黎到喇, 同少爺仔影張全家幅~
呢條友仔...一d面都唔俾, 係咁喊~~~
大特寫!!
由於未開夠10度時, 我用左力, 夾親佢個頭, 所以出世時面仔黑黑地..
媽咪同仔仔既合照~ (仲喊緊....=.=)
訂閱：
留言 (Atom)