檢查日期 : 2009年6月6日
體重: 127.5 LBS (輕左2.5 LBS 應該係經常作嘔, 唔食得太飽既原故)
有左BB: 9W5D (上次話要問既野, 又唔記得問喇..)
預產期: 2010年1月4日
BB身長: 2.89CM (大左一倍有多 !!)
佢企左係度呀!!!
好羞家, 今次係肚照超聲波又係照唔到, 醫生話應該係你子宮向後屈所以照唔到, 但我就話一定係我肚腩脂肪太厚喇..
, 攪到Marco又冇得睇!! 今次明顯見到BB既身型, 頭, 身, 手, 腳...全部都好清楚, 無奈張相影得咁矇, 不過都睇到既!! 我今次見到BB既心跳喇, 即係有點白色野係度閃, 仲見到佢郁呀, 撐手撐腳咁呀...好得意呀!!~
醫生問我到目前為止有冇流過啡 / 血? 我話2樣都冇, 佢話我都算陀得好穩!! 同埋BB生長情況好合乎佢既週數!! 照超聲波都見到佢好活躍, 所以好健康, 如果照埋OSCAR同埋結構都冇問題, 佢有8, 9成係正常既 !! 聽完醫生咁講, 真係十萬個放心!!
身體變化 : 成日肚餓..
BB你要記住, 無論發生咩事都好, 你要痴實我, 一步都唔好走開, 我會奮不顧身去保護你架 !!
做媽媽真係好偉大架 , 加油呀~
回覆刪除[版主回覆07/07/2009 22:58:00]我會加油架...
你第時都會經歷架~
奸爸爹!
回覆刪除[版主回覆07/07/2009 23:08:00]THANKS
加油,你一定會係個好媽媽
回覆刪除[版主回覆07/08/2009 12:20:00]hehe,,希望係啦~
點解你咁快照第二次既??錢多??
回覆刪除同埋照陰道照聲波,marco都可以睇架?? 我上次照wayne都睇得..............
你個醫生..............
[版主回覆07/08/2009 12:25:00]隔左 2 weeks囉~
唔知呀, 怕尷尬掛, 咁個個醫生都唔同既~ hehe~
真係企o係到架, 好得意呢~~
回覆刪除[版主回覆07/08/2009 12:26:00]係呀..仲成個身型睇到晒添~
唔會尷尬架,會用布遮住,佢望個MON咋嘛
回覆刪除[版主回覆07/09/2009 13:34:00]咁唔知喎..
加油呀!!!
回覆刪除[版主回覆07/10/2009 10:54:00]YEAH~