照4D

檢查日期 : 2009年10月9日
體重: 144 LBS
有左BB: 27W4D
預產期: 2010年1月4日
BB身長: 頭6.34CM(細左19日), 大脾5.42CM, 腰圍24.05CM, 重量1177G(差唔多2磅)

今日BOOK左上次照結構個醫生照4D, 4D要係28週前照係最好既, 因為睇得BB個樣係最清楚~

去到照舊都係磅重, 驗尿, 量血壓..樣樣都正常~跟住就等叫名入去照4D..

醫生開始照...滿心期待既我, 想睇下BB大個左少少既樣會變成點..點知佢個面向左入面, 只係見到佢既側面咋..之後仲越向越入, 連側面都睇唔到, 等我仲加左$100要隻DVD....衰仔,,SIDE我錢!!

咁睇唔到樣,,醫生咪幫佢度下size, 一度..個頭圍係細左接近3 weeks!!! 醫生話, 有d BB會係咁..將來個頭轉左向下, 個頭應該會大番既 (記得上次睇私家, 佢話BB個頭如果細左2weeks 就即係有問題架..但呢個醫生又冇咁講喎..有d擔心), 到度個身 & 腳就岩週數喇~

醫生話..BB係中上size, 即係100個同年齡既BB..佢係排第70..或者60幾~

之後再聽心跳, 發現BB心跳有d唔規律, 聽左幾次都係無端端有一下快左, 醫生話...可能佢心臟仲未成熟, 有時再大少少過多幾週會正常番, 同埋佢心跳一分鐘都有番150幾下, 係屬於正常既~ 我問醫生, 我自己本人都有心律不正, 會唔會係遺傳呢? 醫生話未必會架~

我個仔....個樣大個仔左呀!! ~

個個都話咀唇好粗, 似我....=.=   睇睇下, 佢下爬都幾尖丫..

老爺同姐夫都話個樣似我多D~ 而奶奶就覺得似我老公多D~
我同老公就睇唔出佢似邊個 !!

個面向左入面..睇唔到...

再照...個面仲貼住個胎盤添!! 乜你咁怕醜架咩?!

身體變化 : 有日發現有乳汁分秘, 只係好少, 一滴都冇...試過一次有胃酸倒流既現象..行得耐, 坐得耐都開始有腰酸骨痛, 同埋行路個肚有少少墜既感覺..個鼻成日有鼻血~

BB, 你既情況令我有少少擔心, 我地要一齊加油呀,
We Love You~