檢查日期 : 2009年10月13日
體重: 144.5LBS
有左BB: 28W1D
預產期: 2010年1月4日
BB身長: 冇照u/s
今日既產檢同以往差唔多, 摸肚size & 聽心跳既時候, 姑娘都話正常,
不過係見姑娘既時候我同佢講左, 我係私家照過, 話BB個頭細左, 同埋心跳有唔規律, 咁佢就安排左我見醫生, 要等多1個鐘, 醫生都幫我聽多次心跳, 都話正常, 我同佢講我自己都有心律不正, 會唔會都遺傳左比BB呢, 醫生話未必係既! 醫生話頭細既問題, 可能係屋企人既遺傳, 咁我老公個頭都唔大, 可能係遺傳左佢掛~
而家醫生寫左封轉介信比我, 要我去屯門醫院到照一次超聲波, 因為我係屯門醫院到生, 所以我有咩事都應該比屯門醫院keep番個record既~ 之後仲要一直係屯門醫院到覆診, 直至屯門醫院話我可以番健康院為止!!
我第日就拎住呢封信去屯門醫院既日間醫療中心到排期照超聲波喇~
咁... 屯門又要排幾耐呀????
回覆刪除[版主回覆10/21/2009 12:56:00]排左29/10~
咁你唔使咁擔心la~~
回覆刪除[版主回覆10/21/2009 17:37:00]我可以做既係食多d野, 睇下佢追唔追得番囉~
29/10都好快o者~~~
回覆刪除[版主回覆10/21/2009 17:37:00]月尾就係喇~
唔駛擔心啦 , 都話左似marco架啦~~~
回覆刪除[版主回覆10/22/2009 23:27:00]haha..希望係啦~
可能你太緊張...所以心情唔好..BB 又會心情唔好.....唔好太擔心呀..放鬆...放鬆..食多D 野吸收多D 營養比BB...^^...
回覆刪除[版主回覆10/22/2009 23:29:00]上網見人地講..話佢個bb都細左2weeks, 佢一星期食幾次花膠, 個bb追得番呀!! 我都要食番多d先得喇!!
放鬆o的啦!唔駛咁擔心!繼續努力,好快追得返!
回覆刪除[版主回覆10/26/2009 12:07:00]好多謝你既支持呀!~~
今日檢查成點呀?
回覆刪除[版主回覆10/30/2009 10:33:00]政府野真係...........
今日只係聽心跳, 要再排期去照, 咁我問佢心跳點呀, 佢話只係聽到有冇心跳, 但唔會聽到規唔規律, 要照完先知 ..=.= 好似白行一趟咁!
政府野, 永遠都係照公式咁答~.~"
回覆刪除[版主回覆10/30/2009 14:54:00]係, 好彩我而家唔洗番工, 有時間姐~